გერმანია არ გეგმავს უკრაინისთვის თანამედროვე შვეულმფრენების მიწოდებას – ბერლინს სურს თავიდან აიცილოს ნატოსა და რუსეთს შორის ესკალაციის ნებისმიერი გამოვლინება.
გერმანიის კანცლერმა, ოლაფ შოლცმა განმარტა, თუ რატომ არ არის თანახმა უკრაინის შეიარაღებულ ძალებს საბრძოლო თვითმფრინავები გადაეცეს – ნატოსა და რუსეთს შორის ომის თავიდან ასაცილებლად.
კანცლერმა შოლცმა ხაზგასმით აღნიშნა, რომ უკრაინისთვის თანამედროვე საბრძოლო შვეულმფრენების შესაძლო მიწოდების საკითხი ჯერ არც კი დგას დღის წესრიგში.
უკრაინული მხარე, კერძოდ, გერმანიაში უკრაინის ყოფილი ელჩი, ანდრეა მელნიკი გამოვიდა მოწოდებით, მიაწოდონ უკრაინას მოიერიშე თვითმფრინავები. სწორედ ამის საპასუხოდ ოლაფ შოლცი მიიჩნევს, რომ ეს საფრთხილოა, რადგან „როდესაც საქმე ეხება შეიარაღების სისტემებს, მუდმივად იზრდება ფსონებისთვის კონკურენციაში შესვლა“.
„თუკი გადაწყვეტილების მიღებისთანავე გერმანიაში მორიგი დებატები გაიმართება, მაშინ ეს არც ისე სერიოზულ იქნება და ძირს გამოუთხრის მოქალაქეების ნდობას მთავრობის გადაწყვეტილებების მიმართ“, – ხაზგასმით აღნიშნა გერმანიის კანცლერმა, რომელიც ამ შემთხვევაში კიევისთვის საბრძოლო ტანკების მიწოდების შესახებ ახლახან მიღებულ გადაწყვეტილებას გულისხმობდა.
მისივე განცხადებით, უკრაინისთვის სამხედრო დახმარების შესახებ გადაწყვეტილებები ისე მიიღება, რომ თავიდან იქნას აცილებული რუსეთსა და ნატოს შორის პირდაპირი შეტაკება.
„გერმანიის კანცლერმა, რომელიც სერიოზულად ეკიდება დადებულ ფიცს, ყველაფერი უნდა გააკეთოს იმისათვის, რომ რუსეთის ომი უკრაინის წინააღმდეგ არ გადაიზარდოს რუსეთ-ნატოს ომად“, – აღნიშნა შოლცმა.
