ქობულეთის მუნიციპალიტეტმა ქალაქ ქობულეთში დავით აღმაშენებლისა და შოთა რუსთაველის ძეგლების მოწყობაზე ორეტაპიანი ტენდერი გამოაცხადა. სატენდერო თანხა 150 ათასი ლარია.
ტენდერში გამარჯვებულს ევალება ძეგლების ბრინჯაოში ჩამოსხმა და მათი პოსტამენტებზე განთავსება.
ძეგლების ესკიზები ტენდერიდან:
ფოტო ტენდერიდან
სამუშაოები ხელშეკრულების გაფორმებიდან 120 კალენდარულ დღეში უნდა დასრულდეს, თუმცა პირობაში აღნიშნულია, რომ „მიწოდების ვადა დაზუსტდება პრეტენდენტის მიერ შემოთავაზებული სატენდერო წინადადების შესაბამისად“.
ტენდერში წინადადებების მიღება 2023 წლის 11 თებერვალს დაიწყება და 16 თებერვალს დასრულდება.
პირობის მიხედვით, აღმაშენებლისა და რუსთაველის ძეგლები, მათივე სახელობის ქუჩების დასაწყისში დაიდგმება. ეს ორი ქუჩა ქობულეთში ერთმანეთის პარალელურია და ორივე, ქალაქის რკინიგზის სადგურის მიმდებარედ იწყება.
