უკრაინის შეიარაღებული ძალების სარდალმა გენერალმა ვალერი ზალუჟნიმ იანვარში ამერიკელი უკრაინელისგან ანდერძით ერთი მილიონი დოლარი მიიღო და უკრაინის შეიარაღებულ ძალებს გადაურიცხა – ამის შესახებ „ნიუ იორკ თაიმსი“ წერს.
გამოცემის ცნობით, ფული ზალუჟნის უანდერძა აშშ-ს მოქალაქე გრეგორი (გრიგორი) სტეპანეცმა.
უკრაინის შეიარაღებული ძალების პრესსამსახურმა ანდერძისა და შემოწირულობის ფაქტი დაადასტურა.
„ნიუ იორკ თაიმსი“ უკრაინის ეროვნულ ბანკზე დაყრდნობით წერს, რომ გასული წლის განმავლობაში ქვეყნის მაცხოვრებლებმა და ბიზნესებმა შეიარაღებულ ძალებს 22,3 მილიარდი გრივნა, ანუ დაახლოებით 500 მილიონი აშშ დოლარი შესწირეს.
