სიახლეები

ხულოს და შუახევის სამედიცინო პუნქტებს პირველადი სამედიცინო აღჭურვილობა გადაეცა

23.05.2016 • 1271
ხულოს და შუახევის სამედიცინო პუნქტებს პირველადი სამედიცინო აღჭურვილობა გადაეცა

აჭარის ჯანდაცვის სამინისტროს ინფორმაციით, დღეს, 23 მაისს,  სოფლის მოსახლეობის ექიმამდელი სამედიცინო დახმარების პროგრამის ფარგლებში, ხულოსა და შუახევის მუნიციპალიტეტების თემის სამედიცინო პუნქტებს პირველადი სამედიცინო დახმარების მედიკამენტებს, გლუკომეტრის აპარატებს, გლუკომეტრის ტესტ-ჩხირებს და წნევის საზომ აპარატებს გადასცემს.

სამინისტროს ინფორმაციით, ხულოს მუნიციპალიტეტში მედიკამენტებსა და სადიაგნოსტიკო საშუალებებს 46 თემის სამედიცინო პუნქტი, ხოლო შუახევის მუნიციპალიტეტში 39 თემის სამედიცინო პუნქტი მიიღებს.

„მიმდინარე წელს, სოფლის მოსახლეობის ექიმამდელი სამედიცინო დახმარების პროგრამის ბიუჯეტი 783 400 ლარს შეადგენს. პროგრამით ასევე გათვალისწინებულია თემის სამედიცინო პუნქტების მედდების ხელფასით უზრუნველყოფა.

პროგრამის ფარგლებში, აჭარის სოფლის მოსახლეობას, ექიმამდელ სამედიცინო დახმარებას 230 მედდა აწვდის. 2016 წლის I კვარტლის მონაცემებით სამედიცინო მომსახურება გაეწია 35 638 სოფლის მცხოვრებს“.

გადაბეჭდვის წესი


ასევე: