ევროპაში აშშ-ის სახმელეთო ჯარების ყოფილი მეთაური, გენერალი ბენ ჰოჯესი საუბრობს საბჭოთა კავშირში უკრაინის როლზე და დასძენს, რომ ამ გიგანტური სახელმწიფოს ინდუსტრიული ცენტრი უკრაინა იყო. სწორედ უკრაინას ჰქონდა ტექნოლოგიებისა და ინჟინერიის ბაზები და ცოდნა.
ბენ ჰოჯესმა ხაზგასმით აღნიშნა, რომ რუსებისთვის უსაფრთხო ადგილი აღარ არსებობს და მათ ეს უნდა გაიაზრონ – ქვეყანამ შეიძლება დარტყმა მიიღოს ყველა აეროპორტსა და სამხედრო ბაზაზე.
უკრაინელები ყველაფერს გააკეთებენ იმისათვის, რომ საომარი მოქმედებები რუსეთის ტერიტორიაზე გადაიტანონ. და ეს იმიტომ, რომ რუსებმა ვეღარ შეძლონ უკრაინის მშვიდობიანი მოსახლეობაზე თავდასხმა“, – განაცხადა ჰოჯსმა.
ევროპაში აშშ-ის ჯარების ყოფილმა სარდალმა აღნიშნა, რომ უკრაინელები არ სხედან და არ ელიან, როდის მისცემს ამერიკა მათ ATACMS-ებს.
უკრაინა დღემდე არ ადასტურებს, რომ რამენაირად მონაწილეობს იმ აფეთქებებში, რაც რუსეთში ხდება. უკრაინის პრეზიდენტის მრჩევლის, მიხაილო პოდოლიაკის თქმით, ოკუპანტი ქვეყნის ტერიტორიაზე აფეთქებები ტერორისტი ქვეყნის მიერ დაწყებული ომის პირდაპირი შედეგია.
