ოფიციალური მონაცემებით, 2022 წლის მარტიდან ნოემბრის ჩათვლით, საქართველოს საზღვარი რუსეთის 1 274 006 მოქალაქემ გადმოკვეთა.
საქართველოში რუსეთის მოქალაქეების შემოსვლის სტატისტიკის ზრდა დაიწყო მას შემდეგ, რაც რუსეთი უკრაინას დაესხა თავს, 2022 წლის 24 თებერვალს.
9-თვიან პერიოდში საქართველოში შემოსული რუსეთის მოქალაქეების რაოდენობა განსაკუთრებით გაიზარდა ივლისში, აგვისტოსა და სექტემბერში, რუსეთში „ნაწილობრივი მობილიზაციის“ გამოცხადებამდე და მას შემდეგ.
თვეების მიხედვით სტატისტიკა ასე ნაწილდება:
- მარტი – 45 068 რუსეთის მოქალაქე
- აპრილი – 48 797 რუსეთის მოქალაქე
- მაისი – 69 772 რუსეთის მოქალაქე
- ივნისი – 135 457 რუსეთის მოქალაქე
- ივლისი – 236 734 რუსეთის მოქალაქე
- აგვისტო – 260 810 რუსეთის მოქალაქე
- სექტემბერი – 222 274 რუსეთის მოქალაქე
- ოქტომბერი – 133 640 რუსეთის მოქალაქე
- ნოემბერი – 121 454 რუსეთის მოქალაქე
2022 წლის დეკემბრის საზღვრის კვეთის მონაცემები წელს, იანვრის ბოლოს გახდება ცნობილი.
უცნობია ამჟამად რუსეთის ზუსტად რამდენი მოქალაქე იმყოფება საქართველოში, თუმცა 2022 წლის ოქტომბერში შს სამინისტრომ განაცხადა, რომ საქართველოში იმ დროისთვის იმყოფებოდა რუსეთის 112 733 მოქალაქე. ეს საქართველოს მოსახლეობის 3,05%-ია.
_____________________________
ფოტო: EPA-EFE/ZURAB KURTSIKIDZE
ამავე თემაზე:
რუსეთის მოქალაქეებმა 2 963 ბინა და 37.9 ჰა მიწა შეიძინეს საქართველოში – ომი უკრაინაში
