აშშ-ის პრეზიდენტმა, ჯო ბაიდენმა, ხელი მოაწერა აშშ-ის ბიუჯეტს 2023 წლის ფისკალური წლისთვის, რომელიც უკრაინისთვის 45 მილიარდი აშშ დოლარის დახმარების გამოყოფას ითვალისწინებს.
„ბიუჯეტი მოიცავს რესურსებს, რომლებიც აუცილებელია უკრაინის მხარდასაჭერად“, – ნათქვამია თეთრი სახლის განცხადებაში.
აშშ-ის კონგრესმა ბიუჯეტს მხარი ხანმოკლე მოლაპარაკებების შემდეგ დაუჭირა, პრეზიდენტ ვოლოდიმირ ზელენსკის ვაშინგტონში ვიზიტისა და კონგრესში სიტყვით გამოსვლის შემდეგ.
აშშ-ის დახმარების დიდი ნაწილი სამხედრო შეიარაღებას მოხმარდება.
აშშ-ის სენატის გადაწყვეტილებით, რუსი ოლიგარქების გაყინული ქონებაც უკრაინას გადაეცემა.
2023 წელს უკრაინის დასახმარებლად განაცხადა დიდმა ბრიტანეთმაც – ქვეყანა უკრაინის დასახმარებლად 2,3 მილიარდ გირვანქა სტერლინგს გამოყოფს. ამის შესახებ დიდი ბრიტანეთის თავდაცვის მინისტრმა ბენ უოლესმა გამოაცხადა.
