რუსეთის რამდენი მოქალაქე ჩაბარდა უკრაინას ტყვედ პროექტის ფარგლებში – „მინდა ვიცოცხლო“? – ამის შესახებ დღეს, 27 დეკემბერს, უკრაინის ტელემარათონის ეთერში პროექტის ერთ-ერთმა ხელმძღვანელმა ისაუბრა.
უკრაინამ ეს სახელმწიფო პროგრამა მას შემდეგ შექმნა, რაც რუსეთმა ნაწილობრივი მობილიზაცია გამოაცხადა. „მინდა ვიცოცხლოს“ ფარგლებში ტყვედ ჩაბარება შეუძლიათ რუს სამხედროებს, რომელთაც უკრაინის წინააღმდეგ ბრძოლა არ სურთ.
უკრაინული მხარის ინფორმაციით, პროგრამა დღეში დაახლოებით 70-100 მიმართვას იღებს ტყვედ ჩაბარების თხოვნით.
უკრაინული მხარის ინფორმაციით, სექტემბრიდან, პროექტის დაწყების დღიდან, უკრაინამ ჯამში დაახლოებით 4 500 მიმართვა მიიღო რუსი ჯარისკაცებისგან ტყვედ ნებაყოფლობით ჩაბარებაზე. ამის შესახებ ტელემარათონის ეთერში სამხედრო ტყვეების საკოორდინაციო შტაბის სპიკერმა, ვიტალი მატვიენკომ დღეს, 27 დეკემბერს ისაუბრა.
ვიტალი მატვიენკოს თქმით, პროგრამას სხვადასხვა კატეგორიის რუსეთის მოქალაქეები მიმართავენ – ისინი, ვის ნათესავებსაც მობილიზაცია ემუქრებათ ან უკვე მობილიზებული არიან, თავად მობილიზებულები და ისინიც, ვინც ჯერ კიდევ არ არიან მობილიზებულნი.
„მინდა ვიცოცხლოს“ ასევე მიმართავენ რეზერვში მყოფი რუს სამხედროებიც.
იმ პირების ასაკობრივი კატეგორია, რომლებიც უკრაინას ტყვედ ბარდებიან, ძირითადი 20, 35, 40 წელია. უკრაინული მხარის ცნობით, ტყვეებს შორის მცირეა უფროსი ასაკის რუსეთის მოქალაქეების რაოდენობა.
