მთავარი,სიახლეები

რუსეთის არმიამ ხერსონის ცენტრი დაბომბა – არის მსხვერპლი

24.12.2022 • 886
რუსეთის არმიამ ხერსონის ცენტრი დაბომბა – არის მსხვერპლი

24 დეკემბერს, დაახლოებით დილის 11 საათზე უკრაინის ქალაქ ხერსონის ცენტრს, საცხოვრებელ ზონას, რუსეთის შეიარაღებულმა ძალებმა ცეცხლი გაუხსნა.

უკრაინული მედია წერს, რომ არიან დაღუპულები და დაჭრილები, მათი რაოდენობა ზუსტდება, თუმცა პირველადი მონაცემებით დაიღუპა მინიმუმ 8 ადამიანი, 35-ზე მეტი კი დაიჭრა. მათგან 16 მძიმე მდგომარეობაშია.

უკრაინული მედიის ცნობით, 23 დეკემბერს რუსეთის შეიარაღებულმა ძალებმა ხერსონის ოლქის ტერიტორიაზე 74-ჯერ გაისროლეს. ხერსონის საცხოვრებელ უბნებში 36 ჭურვი ჩამოვარდა, რუსული ჭურვები მოხვდა საბავშვო ბაღს, სკოლას, საავადმყოფოს, მაღაზიებს, ქარხანას, კერძო სახლებსა და მრავალბინიან შენობებს.

გუშინ ხერსონის ოლქში 5 მშვიდობიანი მოქალაქე დაიღუპა, 17 კი – დაშავდა. დაშავებულებს შორის არის 6 წლის ბავშვი, რომელიც მძიმე მდგომარეობაში გადაიყვანეს საავადმყოფოში.

___________

ფოტო: ДСНС України/facebook

 

გადაბეჭდვის წესი


ასევე: