დღეს, 21 დეკემბერს, ბათუმში “ლიბერთი ბანკის” ერთ-ერთ ფილიალში ცეცხლი გაჩნდა. ნაწილობრივ დაიწვა ხუთსართულიანი შენობის პირველ სართულზე განთავსებული ფილიალი.
ხანძრის შედეგად არავინ დაშავებულა, რადგან შენობა ცარიელი იყო. ჯერჯერობით უცნობია რა გახდა ცეცხლის გაჩენის მიზეზი.
“ლიბერთი ბანკის” საზოგადოებასთან ურთიერთობის სამსახურის ინფორმაციით, ხანძრის გამომწვევ მიზეზებზე გამოძიება დაიწყო.
“დღეს დილით, ბათუმში, ფარნავაზ მეფის 62/64-ში მდებარე ლიბერთი ბანკის ფილიალში გაჩენილ ხანძართან დაკავშირებით ბანკი აცხადებს, რომ ინციდენტი მოხდა არასამუშაო დროს, გამთენიისას, დაზიანებულია მხოლოდ ბანკის კუთვნილი ინვენტარი. ხანძრის გამომწვევ მიზეზებზე მიმდინარეობს გამოძიება,” – ნათქვამია განცხადებაში.
ცეცხლი “ლიბერთი ბანკის” ფილიალში დილით გაჩნდა, როცა შენობაში არავინ იმყოფებოდა
