ბათუმში, მაღალსართულიან სახლში, რომელიც „ვოქსის“ სახელითაა ცნობილი, ხანძარია.
ხანძარი 18 დეკემბერს, დაახლოებით ღამის 12 საათზე გაჩნდა „ვოქსის“ ბოლო სართულზე, სადაც რესტორანი მდებარეობს.
საგანგებო სიტუაციების მართვის სამსახურში „ბათუმელებს“ უთხრეს, რომ მეხანძრე-მაშველები ავიდნენ შენობაში, ადგილზე მუშაობენ გაჭიმული შლანგებით და მათთვის წყლის მიწოდება ხერხდება.
ჯერჯერობით უცნობია რამ გამოიწვია ხანძარი. ასევე, ამ ეტაპზე არაფერია ცნობილი დაშავებულების შესახებ. გავრცელებული ინფორმაციით, შენობიდან მოსახლეობა ევაკუირებულია.
ადგილზე მოსული იყო ბათუმის მერი, არჩილ ჩიქოვანი. მან უპასუხოდ დატოვა შეკითხვა, აქვს თუ არა ბათუმს შესაბამისი ტექნიკა მაღალსართულიან კორპუსში ხანძრის ჩასაქრობად.
ნახეთ „ბათუმელების“ პირდაპირი ჩართვა ხანძრის ადგილიდან:
