ომის შესწავლის ამერიკული ინსტიტუტი (ISW) თავის ყოველდღიურ ანგარიშში წერს, რომ კრემლი ცდილობს გააუმჯობესოს ვლადიმერ პუტინისა და რუსეთის თავდაცვის სამინისტროს იმიჯი უკრაინის ომში წარუმატებლობის ფონზე.
ISW წერს, რომ კრემლი, სავარაუდოდ, ცდილობს წარმოაჩინოს რუსეთის პრეზიდენტი ვლადიმერ პუტინი, როგორც კომპეტენტური ლიდერი ომის დროს.
გუშინ, 17 დეკემბერს, კრემლმა განაცხადა, რომ პუტინი მთელი დღის განმავლობაში რუსეთის შეიარაღებული ძალების სამსახურების გაერთიანებულ შტაბში იმყოფებოდა, მოისმინა მოხსენებები უკრაინაში „სპეციალური სამხედრო ოპერაციის“ მიმდინარეობის შესახებ და გამართა შეხვედრა მეთაურებთან.
კრემლმა ეს ვიზიტი, სავარაუდოდ, საჯარო გახადა, რომ შეექმნა ლიდერის იმიჯი, რომელიც სრულად არის ჩართული უკრაინის ომის დაგეგმვასა და წარმართვაში – წერს ISW.
ომის შესწავლის ამერიკული ინსტიტუტის ანალიტიკოსები ასევე მიიჩნევენ, რომ სამხედრო შტაბში პუტინის ვიზიტის ფართოდ გაშუქების კიდევ ერთი შესაძლო მიზეზი არის რუსეთის თავდაცვის სამინისტროს იმიჯის რეაბილიტაციის მცდელობა, გავრცელებულ კადრებში აჩვენებს გერასიმოვის, შოიგუს და სუროვიკინის შეხვედრა პუტინთან თავდაცვის სამინისტროს როგორც ორგანიზებული და ეფექტური სამხედრო ორგანიზაციის წარმოსაჩენად.
ISW-ს ცნობით, ბახმუტთან მიმდინარე რუსული შეტევითი ოპერაცია იწვევს განხეთქილების პროვოცირებას DPR-ის მებრძოლებსა და ევგენი პრიგოჟინის „ვაგნერის“ წევრებს შორის. ISW-ის ექსპერტები სამხედრო ბლოგერებზე დაყრდნობით წერენ, რომ არსებობს მზარდი განხეთქილება DPR-სა და „ვაგნერს“ შორის.
