მთავარი,სიახლეები

ანკარა არ უნდა დაეხმაროს რუსეთს დასავლეთის სანქციების გვერდის ავლაში – ბორელი

11.12.2022 • 1092
ანკარა არ უნდა დაეხმაროს რუსეთს დასავლეთის სანქციების გვერდის ავლაში – ბორელი

ევროკავშირი თურქეთის ხელისუფლებას მოუწოდებს, შეცვალოს სავაჭრო პოლიტიკა რუსეთთან და დაიცვას უკრაინაში შეჭრის გამო რუსეთისთვის დაწესებული დასავლური სანქციები.

ინფორმაციას „დოიჩე ველე“ ავრცელებს ევროკავშირის უმაღლესი წარმომადგენელის საგარეო საქმეთა და უშიშროების პოლიტიკის სფეროში, ჟოზეფ ბორელის Funke Group-ის მასალაში გამოქვეყნებულ ციტატებზე დაყრდნობით.

„თურქეთის პოლიტიკა, არ შეუერთდეს ევროკავშირის შემაკავებელ ზომებს რუსეთის წინააღმდეგ, სულ უფრო მეტად იწვევს შეშფოთებას”, – განაცხადა ბორელმა კვირას, 11 დეკემბერს .

„დოიჩე ველე“ წერს, რომ უკრაინაზე რუსეთის თავდასხმის შემდეგ თურქეთმა მკვეთრად გაზარდა ექსპორტი რუსეთში და გაზარდა რუსული ნავთობის შესყიდვები.

ასევე, ბორელმა ხაზგასმით აღნიშნა, რომ ევროკავშირი და თურქეთი შევიდნენ საბაჟო კავშირში, რომელიც უზრუნველყოფს საქონლის თავისუფალ გადაადგილებას, მათ შორის ორმაგი დანიშნულების საქონელს, რომელიც შეიძლება გამოყენებულ იქნას როგორც სამოქალაქო, ასევე სამხედრო მიზნებისთვის.

ბორელი ამბობს, რომ ანკარა არ უნდა დაეხმაროს რუსეთს დასავლეთის სანქციების გვერდის ავლაში და ხაზსს უსვამს, რომ თურქეთს აქვს ევროკავშირის კანდიდატის სტატუსი.

„ჩვენ ველით, რომ ყველა კანდიდატი ქვეყანა, მათ შორის თურქეთი, შეასრულებს მიღებულ ზომებს“, – განაცხადა მან.

ერდოღანი და ვლადიმერ პუტინი წელს, აგვისტოში შეთანხმდნენ ეკონომიკური თანამშრომლობის გაღრმავებაზე.

„როგორც ჩანს, დასავლური კომპანიები იყენებენ თურქეთს, რათა განაგრძონ თავიანთი საქონლის რუსეთში გაყიდვა. ამისთვის აშშ-ის ადმინისტრაცია თურქეთს მეორადი სანქციებით უკვე დაემუქრა“ – წერს „დოიჩე ველე“.

გადაბეჭდვის წესი


ასევე: