კომპანია „აჭარისწყალი ჯორჯიას“ ფინანსურ დირექტორად ირაკლი ხაბეიშვილი დაინიშნა. ირაკლი ადგილობრივი და საერთაშორისო პერსპექტივის გათვალისწინებით, კომპანიაში ფინანსების სფეროში დიდი გამოცდილებით მოდის. ის აღმასრულებელ პოზიციებზე მუშაობდა მულტინაციონალურ კომპანიებში, მათ შორის McDonald’s-ში, Archimedes Global-სა და IRAO – ვენის სადაზღვევო ჯგუფში. კარიერის დასაწყისში ის მუშაობდა Deloitte & Touche-სა და Austin Commercial-ში, აშშ-ში.
„კომპანია „აჭარისწყალი ჯორჯიამ“ დღემდე ყველაზე მსხვილი ინვესტიცია განახორციელა ქართულ ენერგოსექტორში. კომპანიის მფლობელებს წარმოადგენენ მაღალი რეპუტაციის მქონე ნორვეგიული და ინდური კომპანიები, ამავდროულად შუახევი ჰესი დაფინანსებულია წამყვანი საერთაშორისო ფინანსური ინსტიტუტების მიერ. კომპანია თავისი საქმიანობის პროცესში ხელმძღვანელობს მფლობელებისა და დამფინანსებელი ბანკების სტანდარტებით და საუკეთესო საერთაშორისო პრაქტიკის შესაბამისად. შუახევი ჰესის მიერ გამომუშავებული ელექტროენერგია ზრდის ელექტროენერგიის შიდა წარმოებას და ხელს უწყობს ქვეყნის ენერგოუსაფრთხოების გაძლიერებას. ჩემთვის დიდი პატივია, ვიყო წამყვანი და ერთ-ერთი წარმატებული ქართული ენერგოკომპანიის გუნდის წევრი,“ – განაცხადა კომპანიის ფინანსურმა დირექტორმა, ირაკლი ხაბეიშვილმა.
მრავალი ინდუსტრიიდან ძლიერი ფინანსური გამოცდილებითა და ფინანსური დირექტორის როლით, ირაკლი ხაბეიშვილი გადამწყვეტ როლს ითამაშებს კომპანია „აჭარისწყალი ჯორჯიას“ ტრანსფორმაციასა და ზრდის ფორმირებაში.
ირაკლის მინიჭებული აქვს Saïd Business School the University of Oxford-ის მაგისტრის დიპლომი და University of Texas at Arlington, USA-ში ბიზნესადმინისტრირების მაგისტრის ხარისხი.
