გარემოს ეროვნული სააგენტოს ცნობით, 13 დეკემბრამდე დასავლეთ საქართველოში მოსალოდნელია თბილი და უმეტესად უნალექო ამინდი.
სააგენტოს ცნობით, დასავლეთ საქართველოში ჰაერის ტემპერატურა დღისით დაბლობში +15, +20 გრადუსამდე მოიმატებს. ზოგან იქროლებს აღმოსავლეთის მიმართულების ძლიერი ქარი.
უმეტესად უნალექო, მაგრამ შედარებით ცივი, ღრუბლიანი და ნისლიანი ამინდია მოსალოდნელი აღმოსავლეთ საქართველოში. ჰაერის ტემპერატურა ბარში ღამით -4, +1, დღისით +5, +10 გრადუსი იქნება.
უნალექო ამინდი იქნება თბილისშიც. ჰაერის ტემპერატურა ღამით -1, +1 , ხოლო დღისით +7, +9 გრადუსი იქნება.
