მთავარი,სიახლეები

შვეიცარიამ რუსებს $7,95 მილიარდის აქტივები გაუყინა

01.12.2022 • 855
შვეიცარიამ რუსებს $7,95 მილიარდის აქტივები გაუყინა

შვეიცარიამ 7,5 მილიარდი შვეიცარიული კრონის (დაახლოებით $7,95 მილიარდი) ღირებულების რუსული აქტივები გაყინა.

ამის შესახებ ეკონომიკის საკითხებში სახელმწიფო სამდივნოს (SECO) ოფიციალურ საიტზე გამოქვეყნებულ რელიზშია ნათქვამი.

2022 წლის 3 ივლისის მდგომარეობით, სამდივნოსთვის ცნობილი იყო რუსეთის მოქალაქეების, ფიზიკური ან იურიდიული პირების დეპოზიტების შესახებ 46, 1 მილიარდი ფრანკის ოდენობით. 25 ნოემბრის მდგომარეობით, შვეიცარიაში უკვე გაყინულმა აქტივებმა 7,5 მილიარდ ფრანკს მიაღწია.

„უკრაინაში რუსეთის სამხედრო აგრესიის პასუხად 28 თებერვალს ფედერალურმა საბჭომ გადაწყვიტა შეერთებოდა ევროკავშირის სანქციებს რუსეთის წინააღმდეგ და ამით კიდევ უფრო გაეძლიერებინა სანქციების ეფექტი.

აიკრძალა რუსეთის მოქალაქეებისგან, რუსეთში დარეგისტრირებული ფიზიკური ან იურიდიული პირებისგან დეპოზიტების მიღება თუ მისი ოდენობა ერთ ადამიანზე აჭარბებს 100 000 შვეიცარიულ ფრანკს. საკითხი იმ დეპოზიტების შესახებ შვეიცარიულ ბანკებში, რომელთა ოდენობაც აჭარბებდა 100 000 ფრანკს, შესასწავლად უნდა გადასცემოდა ეკონომიკის საკითხებში სახელმწიფო სამდივნოს,“ – ნათქვამია სამდივნოს განცხადებაში.

SECO-ს ინფორმაციით, ქვეყანამ ასევე დააყადაღა უძრავი ქონების 15 ობიექტი, რომლებიც სანქცირებულ პირებს ან ორგანიზაციებს ეკუთვნოდათ.

___

ევროკომისიის პრეზიდენტის, ურსულა ფონ დერ ლაიენის განცხადებით, რუსეთის სამხედრო აგრესიის შედეგად უკრაინაში ომით გამოწვეულმა ზიანმა 600 მილიარდ ევროს მიაღწია.

„რუსეთმა და მისმა ოლიგარქებმა უნდა გადაუხადონ ზიანი უკრაინას და დაფარონ ქვეყნის აღდგენისთვის საჭირო ხარჯები. ჩვენ გვაქვს შესაძლებლობა, ვაიძულოთ რუსეთი, ეს გააკეთოს. ჩვენ უკვე გავყინეთ 300 მილიარდი ევრო რუსეთის ცენტრალური ბანკის რეზერვებიდან და რუსი ოლიგარქების თანხები – 19 მილიარდი ევრო,“ – ამბობს ურსულა ფონ დერ ლაიენი და დასძენს, რომ პარტნიორებთან ერთად ევროკომისია შექმნის სტრუქტურას, რომელიც ამ თანხების მართვაზე იმუშავებს.

გადაბეჭდვის წესი


ასევე: