ნეტგაზეთი • RU

ბათუმში ჰაერი მტვრის ნაწილაკებითაა დაბინძურებული

ბათუმში მესამე დღეა ჰაერში მტვრის ნაწილაკების შემცველობის მაჩვენებელი გაუარესებულია.

გარემოს ეროვნული სააგენტოს ატმოსფერული ჰაერის ხარისხის პორტალის მიხედვით, ჰაერში მტვრის ნაწილაკების შემცველობის მაჩვენებელი 23 ნოემბრიდან გაუარესდა.

ჰაერში მტვერი ან სხვა მყარი ნაწილაკები, უმცირესი წვეთების ჩათვლით, ზომის მიხედვით ძირითადად ორ ჯგუფად იყოფა – PM10 და PM2.5.

ორივე ეს მაჩვენებელი დღეს, 25 ნოემბერსაც, ცუდია:

ატმოსფერული ჰაერის ხარისხის პორტალის მიხედვით, PM10-ის კონცენტრაციების ნორმაზე გადაჭარბება ბათუმში და საქართველოს სხვა ადგილებში დაფიქსირდა 2022 წლის 13-19 ნოემბერსაც.

ამ დღეების განმავლობაში მყარი ნაწილაკების კონცენტრაციის მატება ძირითადად ტრანსსასაზღვრო დაბინძურებას უკავშირდებოდა და იგი საჰარის, არაბეთის ნახევარკუნძულისა და შუა აზიის უდაბნოების მტვრის მასების შემოჭრით იყო განპირობებული.“ – აღნიშნულია პორტალზე.

რა არის ამ ნაწილაკების ჰაერში გაფრქვევის ძირითადი წყარო და რა გავლენა აქვს მას ჯანმრთელობაზე, იხილეთ ამ ბმულზე:

ჰაერში მტვრის შემცველობის მაჩვენებელი ბათუმში გაუარესდა

ნეტგაზეთის მასალების სხვა გამოცემებში გადაბეჭდვის წესი
ავტორი
თედო ჯორბენაძე, ჟურნალისტი მობ.: 599 139 412 ელ/ფოსტა: tedobatumi@gmail.com