თურქული კომპანია Baykar-ის უპილოტო სამხედრო თვითმფრინავმა Bayraktar Kızılelma-მ გამოცდა წარმატებით გაიარა.
როგორც კომპანიის წარმომადგენლებმა სააგენტო Anadolu-ს უთხრეს, Kızılelma პირველი თურქული უპილოტო გამანადგურებელი თვითმფრინავი იქნება, უკრაინული მედიის ინფორმაციით კი, მას უკრაინული წარმოების ძრავები აქვს.
კვირის დასაწყისში თვითმფრინავმა პირველი გამოცდა დამზღვევი ტროსების დახმარებით გაიარა, 20 ნოემბერს კი – უკვე ტროსების გარეშე. გამოცდის პროცესის ვიდეო კომპანიის ტექნიკურმა დირექტორმა სელჩუკ ბაირაქტარმა გამოაქვეყნა.
emekledi, yürüdü, koştu… #KIZILELMA ✈️🍎🚀
crawled, walked, ran… #KIZILELMA ✈️🍎🚀 pic.twitter.com/VQFRYcIfXf
— Selçuk Bayraktar (@Selcuk) November 20, 2022
Bayraktar Kızılelma ზებგერითი უპილოტო თვითმფრინავია, რომელსაც ტურბორეაქტიული ძრავა აქვს და მას 1,5 ათასი კილოგრამის გადატანა შეუძლია.
Kızılelma-ს მაქსიმალური სიჩქარე 900კმ/საათია, ფრენის მანძილი – 920 კმ, სამუშაო სიმაღლე 10კმ და ზევით და ჰაერში 5 საათს ჩერდება.
Baykar-ში აცხადებენ, რომ მათი ახალი ქმნილება ყველაზე რთულ ამოცანებსაც კი წარმატებით გაართმევს თავს და პილოტირებული სამხედრო თვითმფრინავების მსგავსად აგრესიული მანევრებისა და „ჰაერი-ჰაერის“ ტიპის ბრძოლების წარმოებაც შეეძლება.
მთავარ ფოტოზე: სელჩუქ ბაირაქტარი Bayraktar Kızılelma-ს ფონზე/ფოტო: სელჩუქ ბაირაქტარის ტვიტერი.
___
ბაირაქტარს ირანული კამიკაძე დრონების წინააღმდეგ რაკეტებით შეაიარაღებენ