მთავარი,სიახლეები

ბაირაქტარს ირანული კამიკაძე დრონების წინააღმდეგ რაკეტებით შეაიარაღებენ

30.10.2022 • 1690
ბაირაქტარს ირანული კამიკაძე დრონების წინააღმდეგ რაკეტებით შეაიარაღებენ

რაკეტების ინტეგრაცია უპილოტო Akıncı-სა და Bayraktar TB2-თან იქნება საჰაერო პატრულირების ის კონცეფცია, რომელიც მტრის შვეულმფრენებისა და დრონების თავდასხმის საფრთხეებს აღმოფხვრის.

უპილოტო საბრძოლო საფრენი აპარატების თურქი მწარმოებელი Baykar-ი აპირებს თავისი ის დრონები, რომლებსაც უკრაინა იყენებს, აღჭურვას „ჰაერი-ჰაერი“ კლასის რაკეტებით, რათა დაუპირისპირდეს ირანულ კამიკაძე დრონებს, რომელსაც რუსეთი იყენებს.

თურქული გამოცემა „დეილი საბაჰის“ ცნობით, ამის შესახებ კომპანიის აღმასრულებელმა დირექტორმა, ჰალუკ ბაირაქტარმა განაცხადა.

„მალე ჩვენი Bayraktar TB2 და Akıncı-ი აღიჭურვებიან რაკეტებით „ჰაერი-ჰაერი“ – არა მხოლოდ დრონების, არამედ მტრის სხვა შვეულმფრენების განადგურების მიზნით. ჩვენ ვატარებთ ტესტირებას“, – თქვა ბაირაქტარმა.

თურქულ უპილოტო საფრენ აპარატებში კომპანია Sungur-ის რაკეტების ინტეგრირება იგეგმება.

Sungur-ი გამოცდილი საბრძოლო პროდუქტია, განსაკუთრებით მოძრავი სამიზნეების წინააღმდეგ, როგორიცაა შვეულმფრენები და დრონები. მისი გამოყენება უპილოტო საფრენი აპარატებიდან შეცვლის სიტუაციას, – განაცხადა მურატ იკინჯიმ, Roketsan-ის გენერალურმა მენეჯერმა.

აღსანიშნავია, რომ Akıncı-სა და Bayraktar TB2-თან „ჰაერი-ჰაერი“ კლასის რაკეტების ინტეგრაციით, ძვირადღირებული სამხედრო თვითმფრინავების გამოყენების ნაცვლად, შეიძლება შეიქმნას საჰაერო პატრულირების იაფი კონცეფცია ისეთი საფრთხეების აღმოსაფხვრელად, როგორიცაა თავდასხმები მტრის შვეულმფრენებიდან, უპილოტო სამხედრო მოწყობილობებიდან, მათ შორის კამიკაძე დრონებიდან.

ბაირაქტარმა ასევე აღნიშნა, რომ ირანული კამიკაძე დრონები ნელია, ხმაურიანი და დაბალ სიმაღლეზე დაფრინავენ, რაც მათ „ადვილ სამიზნეებად“ აქცევს.

„ჩვენ სრულად ვუჭერთ მხარს უკრაინას თავისი სუვერენიტეტისათვის ბრძოლაში“, – განაცხადა ბაირაქტარმა.

მან ასევე აღიარა, რომ ახლახან უკრაინა პირველი ქვეყანა გახდა მსოფლიოში, რომელმაც TB2 სამხედრო-საზღვაო მისიაში გამოიყენა. თუმცა ბაირაქტარმა დეტალები არ დააკონკრეტა.

უპილოტო სამხედრო საფრენ აპარატებს – ბაირაქტარებს რუსეთ-უკრაინის ომში, განსაკუთრებით ომის საწყის ეტაპზე, აქტიურად იყენებდა უკრაინის შეიარაღებული ძალები.

ასევე დაადსტურებულია, რომ კომპანია უკრაინაში გახსნის ბაირაქტარების მწარმოებელ ქარხანას.

გადაბეჭდვის წესი


ასევე: