“ბათუმის წყლის” ინფორმაციით დღეს, 4 ნოემბერს, საღამოს 8 საათამდე წყალმომარაგება შეუწყდება ბათუმის რიგ ქუჩებს.
„ავარიულად დაზიანებულ მილზე სარემონტო სამუშაოების გამო, 10:20 სთ-დან 20:00 სთ-მდე, წყლის მოწოდება შეეზღუდებათ ჰელიმიშზე, აღმაშენებლზე, აეროპორტის გზატკეცილზე, ფრიდონ ხალვაშის გამზირსა და ჩიხებში, ხახული ქუჩასა და ჩიხებში მცხოვრებ აბონენტებს,“- ნათქვამია „ბათუმის წყლის“ განცხადებაში.
ასევე, „ბათუმის წყლის“ ინფორმაციით სათავე ნაგებობიდან წყალმომარაგების შეზღუდვის გამო, 20:00 საათამდე წყლის მიწოდება შეუწყდება წინსვლის, ჩაისუბნის, ბარცხანის, განთიადის, მახინჯაურის, ანგისის და თამარის დასახლებებში მცხოვრებ აბონენტებს.
