მთავარი,სიახლეები

ბათუმში ზღვაში ახალგაზრდა კაცს ეძებენ

01.11.2022 • 4111
ბათუმში ზღვაში ახალგაზრდა კაცს ეძებენ

დღეს, პირველ ნოემბერს, საღამოს, ბათუმში, ყოფილ „პიერ ბათუმის“ პირსიდან, ზღვაში ახალგაზრდა კაცი გაუჩინარდა.

ამ დროისთვის შემთხვევის ადგილზე სანაპიროსთან იმყოფება სასწრაფო სამედიცინო დახმარების ჯგუფი და პოლიცია.

თვითმხილველების თქმით, კაცი სავარაუდოდ პირსიდან გადახტა.

„მე იქვე ახლოს ვმუშაობ, ვიღაც კაცი მოვიდა და გვითხრა, რომ კაცი ზღვაში გადახტა და ვეღარ ამოყვინთა. იქვე მდგომ ქალს და კაცს ხელში ამ ადამიანის ტანსაცმელი ეჭირათ. შემთხვევა დაახლოებით 19:00 საათზე მოხდა“, – ამბობს თვითმხილველი „ბათუმელებთან“.

შს სამინისტროში გვითხრეს, რომ ინფორმაციას აზუსტებენ.

_________________

ფოტო შემთხვევის ადგილიდან.

გადაბეჭდვის წესი


ასევე: