ბათუმის საკრებულოს უმრავლესობამ რუსთაველის ქუჩაზე ორი განაშენიანების დეტალური კონცეფცია დაამტკიცა. ორივე პროექტი მშენებლობას არსებულის ნგრევის ხარჯზე ითვალისწინებს და ორივე მშენებელი კომპანია პროექტის K2 კოეფიციენტის გაზრდას ითხოვს. სამშენებლო ტერიტორიები ძეგლის დაცვის ზონაშია.
რუსთაველის #21 -ში ე.წ. ბარაკული დასახლების გარდა ორი ორსართულიანი სახლია, რომლებსაც კომპანია მშენებლობის ნებართვის მიღების შემთხვევაში დაანგრევს, ახალი მშენებლობის დასაწყებად.
განაშენიანების დეტალური კონცეფციის მიხედვით, რუსთაველის #21-ში შპს „გრინკო“ 978კვ.მეტრის ათვისებას გეგმავს, სამშენებლო მიწის ნაკვეთის წინ, ბარბარეს ეკლესიის მიმდებარედ არსებული სკვერი, შემდეგ კი ბულვარია. შესაბამისად, აქ აშენებულ კორპუსს ქუჩის მხარეს არსებული ღიობებიდან ბულვარისა და ზღვის ხედი ექნება, რაც კომპანიისთვის დამატებითი სარგებლის მიღების საშუალებაა.
ეს ორსართულიანი სახლი, რომელიც ბათუმის ბულვარს უყურებს რუსთაველის #21-ში მდებარეობს, იმ შემთხვევაში თუ შპს „გრინკო“ მშენებლობის ნებართვას მიიღებს, ამ სახლს დაანგრევენ
ბათუმი რუსთაველის #21
გადაწყვეტილებას ოპოზიციამ მხარი არ დაუჭირა. შპს „გრინკო“ ისრაელის მოქალაქის, თამარ კობრინსკის საკუთრებაა.
ბათუმი, რუსთაველის #21
რუსთაველის #20-ში არსებული შენობის ათვისების ხარჯზე სასტუმროს მშენებლობას გეგმავს ასევე შპს „ორიქსი“.
საკრებულოს წევრმა, ნატალია ძიძიგურმა მოითხოვა კომპანიებს K2 კოეფიციენტის მაკომპენსირებელი ღონისძიების სახით, ამავე უბანში ავტოსადგომის მოწყობა დაავალონ. მოთხოვნას დაეთანხმა თეკლა კავაზაშვილიც. მისი თქმით, უცხოეთში მიღებული სტანდარტი – მშენებელს უბანში საჯარო სივრცის მოვლა-პატრონობის ვალდებულებას აკისრებენ, ბათუმისთვისაც პრაქტიკად უნდა იქცეს.
![კიდევ ორი ცათამბჯენი – როგორ შეიცვლება ბათუმის ცენტრალური პარკის მიმდებარე ტერიტორია [ფოტო]](https://batumelebi.netgazeti.ge/wp-content/uploads/2024/03/orbi-rustavelis-kucha.jpg)
