რუსეთის სარდლობამ თავის სამხედროებს უბრძანა შეაჩერონ უკრაინელი მეომრების წინსვლა ლუგანსკის რეგიონში. ამის შესახებ FREEDOM-ის ეთერში ლუგანსკის რეგიონული სამხედრო ადმინისტრაციის ხელმძღვანელმა, სერგეი გაიდაიმ განაცხადა.
გაიდაის თქმით, თუ უკრაინის შეიარაღებული ძალები კრემენნაია-სვატოვოს მონაკვეთს დაიკავებენ, რეგიონში ოკუპანტების ლოგისტიკა „მოიშლება“.
„ყველაფერს ნაღმავენ, ალბათ ამოცანაა – წინსვლის შეჩერება, რადგან მათ კარგად იციან, რომ თუ სვატოვოდან კრემენნაიამდე მონაკვეთს ვერ დაიცავენ, მაშინ უკვე მარშრუტი პირდაპირ სტარობელსკისკენ იქნება. მთელს ლუგანსკში კი რეგიონის ლოგისტიკის ჯაჭვი იქიდან კონტროლი“, – დასძინა გაიდაიმ.
გაიდაის თქმით, ოკუპანტებს უკრაინის შეიარაღებული ძალების წინსვლის მხოლოდ „შენელება“ შეუძლიათ. ასე რომ, კრემენნაია-სვატოვოს მონაკვეთზე რუსები ნაღმავენ მდინარის ნაპირებს, მაგისტრალებს და გზებს.
„მათ ძალიან ეშინიათ, რადგან ჩვენ ძალიან ახლოს ვართ. რუსებმა კრასნორეჩენსკოეს მახლობლად, მდინარე კრასნაიაზე ხიდი ააფეთქეს“.
რუსები რეგულარულად უშენენ ცეცხლს ბელოგოროვკას და ცდილობენ შეამოწმონ უკრაინის შეიარაღებული ძალების თავდაცვისუნარიანობა – ბახმუტის რაიონში კი სასტიკი ბრძოლები გრძელდება.
გაიდაიმ ოკუპანტის ტაქტიკაზეც ისაუბრა: „ისინი საათობით ისვრიან, ბომბავენ გარკვეულ ტერიტორიებს, შემდეგ კი ცდილობენ გააგზავნონ 20-30 ადამიანი სიტუაციის შესაფასებლად – თუ დარჩა ვინმე დაბომბვის შემდეგ, შეუძლიათ თუ არა მათ თავდაცვა, ხომ არ არის შესაძლებელი იქ რაიმეზე ჩაჭიდება“.
გაიდაის თქმით, მსგავსი გადაწყვეტილებით რუსეთი ანადგურებს საკუთარ ჯარისკაცებს: „ამ მიზნით იმდენი ხალხი გაუშვეს, როგორც ზოლოტეს, ასევე კრემენნაიას, სევეროდონეცკის თუ რუბიჟნოეს მიმართულებაზე… ეს ათასობით ჯარისკაცია. ნებისმიერი სხვა ნორმალური მეთაურობის პირობებში, ისინი ცოცხლები იქნებოდნენ“.
