მედიის ცნობით, თურქეთში, ეროვნულ პარკში დაფიქსირებულმა ვიდეოხაფანგმა ანატოლიური ლეოპარდი გადაიღო, რაც იმას მოწმობს, რომ გადაშენების პირას მყოფი ეს ცხოველი ბუნებაში ბრუნდება.
ეს უკვე მეოთხე შემთხვევაა, როცა ანატოლიური ლეოპარდი თურქეთში, სხვადასხვა რეგიონში შენიშნეს.
ლეოპარდი ბუნების დაცვის საერთაშორისო კავშირის [IUCN] წითელ ნუსხაშია შეტანილი, როგორც ცხოველი, რომლის პოპულაციის დაკარგვის საფრთხე არსებობს.
ბოლო დრომდე მიიჩნეოდა, რომ თურქეთში 1974 წელს მოკლული ანატოლიური ლეოპარდი ამ სახეობის უკანასკნელი ინდივიდი იყო ქვეყანაში, თუმცა 2019 წელს თურქეთის დაცულ ტერიტორიებზე ლეოპარდი ისევ გამოჩნდა.