უკრაინული მედია იუწყება, რომ დედაქალაქში დღეს დილით ოთხი აფეთქების ხმა გაისმა, მათ შორის ქალაქის ცენტრში, ვაგზლის მიმდებარედ.
ქალაქის მერმა ვიტალი კლიჩკომ გაავრცელა ინფორმაცია, რომ რამდენიმე აფეთქება მოხდა შევჩენკოვეს რაიონში. ადგილზე შესაბამისი სამსახურები იმყოფებიან.
უკრაინული მედიის ცნობით, პირველადი ინფორმაციით, დაარტყეს ინფრასტრუქტურულ ობიექტებს. როგორც საგანგებო სიტუაციების სამსახურის პრესმდივანმა სვეტლანა ვოდოლაგმა ჟურნალისტებს უთხრა, რამდენიმე ადგილას არიან დაშავებულები და დაღუპულები. ინფორმაცია ზუსტდება.
მედიის ცნობით, ამ დილით აფეთქებების ხმა ისმოდა უკრაინის რამდენიმე ქალაქში – დნეპრში, ლვოვში, ხმელნიცკსა და ჟიტომირში.
კიევზე ერთ-ერთი დარტყმა ტელეკომპანია BBC-ის პირდაპირ ეთერშიც მოხვდა.
როგორც „უნიანი“ წერს, 8 ოქტომბერს ყირიმის ხიდის აფეთქების შემდეგ, რუსი პროპაგანდისტების ნაწილი უკრაინის მისამართით მუქარებით გამოვიდა – ისინი უმაღლეს რადაზე თავდასხმით და ბირთვული იარაღის გამოყენებით იმუქრებოდნენ.
ვლადიმერ პუტინმა ყირიმის ხიდის აფეთქებაში რუსეთის სპეცსამსახურები დაადანაშაულა და მომხდარს „ტერაქტი“ უწოდა, დიმიტრი მედვედევმა კი დასძინა, რომ პასუხი ტერაქტზე ერთადერთი შეიძლება იყოს – „ტერორისტების სრული განადგურება“.
მთავარ ფოტოზე: აფეთქების ადგილი კიევში/ფოტო: unian
