ბათუმის მერიის ინფორმაციით, დღეს 30 აპრილს, 17:00 საათზე, ბათუმში ,,მუხრან ვახტანგაძის საერთაშორისო ტურნირი ბერძნულ-რომაულ ჭიდაობაში” გაიხსნება. ფინალური თამაშები და დაჯილდოების ცერემონიალი კი 1 მაისს, 17:00 საათიდან ჩატარდება.
მერიის ინფორმაციით, ტურნირში მონაწილეობას მიიღებენ სხვადასხვა წონით კატეგორიებში მოასპარეზე ქართველი და უცხოელი სპორტსმენები. „გამარჯვებულები მედლებით, თასებით, სიგელებითა და სპეციალური პრიზებით დაჯილდოვდებიან“.
ტურნირი ბათუმის მერიის ორგანიზებით ტარდება, რისთვისაც მუნიციპალური ბიუჯეტიდან 55 ათასი ლარია გამოყოფილი.
ტურნირი ბათუმის სპორტსკოლაში გაიმართება.
