ნეტგაზეთი • RU

ხულო-გოდერძის გზაზე დღეს პერიოდულად შეიზღუდება ავტოტრანსპორტის მოძრაობა

საქართველოს საავტომობილო გზების დეპარტამენტის ინფორმაციით შიდასახელმწიფოებრივი მნიშვნელობის ბათუმი (ანგისა)-ახალციხის საავტომობილო გზის კმ86+440-კმ86+600 მონაკვეთზე [ხულოს მუნიციპალიტეტის ტერიტორია], ავტოტრანსპორტის უსაფრთხო გადაადგილების მიზნით, ყველა სახის ავტოტრანსპორტის მოძრაობა შეიზღუდება 2022 წლის 21 სექტემბერს 10:00სთ-დან 14:00სთ-მდე და 13:00სთ-დან 19:00სთ-მდე.

დროის აღნიშნულ მონაკვეთებში მსუბუქი ავტოტრანსპორტი იმოძრავებს დროებით მოწყობილი საავტომობილო გზის გავლით. დღე-ღამის დანარჩენ პერიოდში ავტოტრანსპორტის გადაადგილება თავისუფალია.

დეპარტამენტის განცხადებით, მოძრაობის შეზღუდვა ხულო-გოდერძის პირველი ლოტის რეაბილიტაციის ფარგლებში მიმდინარე სამუშაოებს უკავშირდება. ამჯერად, ზემოთ აღნიშნულ მონაკვეთზე მიმდინარეობს ხელოვნურად მიწის ჩამოშლის სამუშაოები.

 

მთავარი ფოტო: ხულო ზარზმის გზის რეაბილიტაცია / გზების დეპარტამენტის ფოტო
ნეტგაზეთის მასალების სხვა გამოცემებში გადაბეჭდვის წესი
ავტორი
თედო ჯორბენაძე, ჟურნალისტი მობ.: 599 139 412 ელ/ფოსტა: tedobatumi@gmail.com