უკრაინის პრეზიდენტი ვოლოდიმირ ზელენსკი გათავისუფლებულ იზიუმში ჩავიდა. დეოკუპირებულ ქალაქში საზეიმოდ აღმართეს უკრაინის დროშა.
ფოტოები ფეისბუქზე 25-ე ცალკეულმა საჰაერო-სადაზვერვო ბრიგადამ გამოაქვეყნა.
„დროში აღმართვაში მონაწილეობა მიიღო უკრაინის პრეზიდენტმა ვოლოდიმირ ზელენსკიმ, თავდაცვის მინისტრის მოადგილე ანნა მალიარმა და უკრაინის შეიარაღებული ძალებისა და სხვა დანაყოფების წარმომადგენლებმა, რომლებმაც რამდენიმე დღის წინ ქალაქის რაშისტი ოკუპანტებისგან გათავისუფლებაში მიიღეს მონაწილეობა,“ – წერს ბრიგადა.
ვოლოდიმირ ზელენსკი იზიუმში/ფოტო: facebook.com/dshv25opdbr
„რასაც ვხედავთ, შოკისმომგვრელია, თუმცა ჩვენ ეს უკვე ვნახეთ ბუჩაში, პირველად დეოკუპირებულ ტერიტორიებზე. ასევე – დანგრეული შენობები, დახოცილი ადამიანები… სამწუხაროდ, ეს ჩვენი თანამედროვე ისტორიის ნაწილია. თანამედროვე რუსი ერის ნაწილი – ის, რაც მათ ჩაიდინეს“, -თქვა ზელენსკიმ.
საზეიმო ღონისძიებამდე წუთიერი დუმილით პატივი მიაგეს უკრაინისთვის ბრძოლაში დაღუპულთა ხსოვნას, პრეზიდენტმა კი სამხედროებს მადლობა გადაუხადა.
დროშის აღმართვა იზიუმში/ფოტო: facebook.com/dshv25opdbr
უკრაინის შეიარაღებულმა ძალებმა 10 სექტემბერს დაიკავეს ბალაკლეა და იზიუმს მიუახლოვდნენ, 11 სექტემბერს კი ქალაქი იზიუმი, რომელიც მარტის შემდეგ ოკუპირებული იყო, რუსებისგან გათავისუფლდა.
