დიდი ბრიტანეთის დაზვერვის ცნობით, ბოლო 24 საათის განმავლობაში, მძიმე ბრძოლები გრძელდებოდა უკრაინის სამ ფრონტზე: ჩრდილოეთით – ხარკოვთან, აღმოსავლეთით – დონბასში და სამხრეთით – ხერსონის ოლქში.
„რუსეთის მთავარი ძალისხმევა, სავარაუდოდ, კვლავაც მიმართულია დონბასისკნე, ბახმუტის შეტევებზე, თუმცა მეთაურები არჩევანის წინაში არიან – მიახმარონ ოპერაციული ძალები ამ შეტევებს თუ დაიცვან თავი უკრაინელთა კონტრშეტევისგან სამხრეთში,“ – წერს უწყება 7 სექტემბრის რელიზში.
დაზვერვის ინფორმაციით, 500-კილომეტრიან ზოლზე რუსეთისთვის ერთდროულად რამდენიმე საფრთხე გაჩნდა – უწყების შეფასებით, ერთგვარი გამოცდაა რუსეთისთვის, რამდენად შესწევს მის სარდლობას უნარი, მოახერხოს ოპერატიული გეგმების კოორდინირება და რესურსების ძალთა რამდენიმე დაჯგუფებას შორის გადანაწილება.
„ომის დასაწყისში, რუსეთს ეს უნარი არ აღმოაჩნდა, რაც მისი სამხედრო წარუმატებლობის ერთ-ერთი მიზეზია“, – ასკვნის უწყება.
გაერთიანებული სამეფოს თავდაცვა უკრაინის შესახებ სადაზვერვო ცნობარს ყოველდღიურად აქვეყნებს. გუშინდელ რელიზის ყურადღების ცენტრში რუსეთის უპილოტო საფრენი აპარატების თემა იყო. უწყება აღნიშნავდა, რომ რუსეთი ყველა გზით ცდილობს, თავისი უპილოტო საფრენი აპარატების მარაგი შეინარჩუნოს. დრონების ნაკლებობას, უწყების აზრით, ხელს უწყობს მისი კომპონენტების დეფიციტიც, რაც დასავლური სანქციებითაა გამოწვეული.
