უკრაინის ეროვნული უსაფრთხოებისა და თავდაცვის საბჭოს მდივანი, ოლექსი დანილოვი მიიჩნევს, რომ რუსეთის ომი უკრაინაში წლობით არ გაგრძელდება, თუმცა უკრაინელებს არც სწრაფი გამარჯვების იმედი უნდა ჰქონდეთ.
ამის შესახებ დანილოვმა LB.ua-სთან ინტერვიუში ისაუბრა.
„ვერ დავეთანხმები იმ აზრს, რომ წლები-წლები-წლები უნდა ვებრძოლოთ ამ აგრესორს. მე უფრო ოპტიმისტურად ვარ გამწყობილი ამ შემთხვევაში, ჩემი პროგნოზი მაქვს, როგორ უნდა დასრულდეს ეს ყველაფერი. მე ძალიან ფრთხილად ვეკიდები ამ საკითხს. მე ვამბობ, ერთი – ეს არ იქნება მარტივი ომი; მეორე – ჩვენ აუცილებლად გავიმარჯვებთ; მესამე – ეს არ იქნება სწრაფი გამარჯვება, მაგრამ ეს ომი არც წლობით გაიწელება,“ – ამბობს დანილოვი.
მისი თქმით, უკრაინამ უნდა მოახერხოს, რომ გამარჯვების შემდეგ, რუსებს აღარ დარჩეთ არც სურვილი და არც „კბილები პირში ვინმეს საკბენად“.
„და ჩვენ ამას აუცილებლად გავაკეთებთ, ამის შემდეგ უფრო მშვიდად ვიქნებით. არ ვფიქრობ, რომ რაც ხდება, ის ისრაელს უნდა შევადაროთ, იქ სხვა ვითარება და სხვა პროცესებია,“ – აღნიშნავს უსაფრთხოებისა და საბჭოს მდივანი.
