დიდი ბრიტანეთის დაზვერვის ინფორმაციით, ბოლო ხუთი დღეში, რუსეთმა დონეცკის ოლქში შეტევა გააძლიერა. ინტენსიური ბრძოლები მიდის ქალაქ დონეცკის ჩრდილოეთით, სივერსკისა და ბახმუტის მიდამოებში.
უწყების ცნობით, პრო-რუსი სეპარატისტების ჯარებმა, სავარაუდოდ, გარკვეულ პროგრესს მიაღწიეს სოფელ პისკიში, დონეცკის აეროპორტთან, თუმცა დაზვერვის შეფასებით, საერთო ჯამში, რუსეთმა მხოლოდ მცირედით წაიწია წინ.
„სრულიად შესაძლებელია, რომ რუსეთი განახლებული შეტევებით დონეცკის მიმართულებაზე დამატებითი უკრაინული ძალების მიზიდვას ცდილობს, იმ ფონზე, როდესაც უფრო და უფრო ძლიერდება ხმები, რომ უკრაინა კონტრშეტევას გეგმავს,“ – წერს უწყება 27 აგვისტოს რელიზში.
გაერთიანებული სამეფოს თავდაცვა უკრაინის შესახებ სადაზვერვო ცნობარს ყოველდღიურად აქვეყნებს. გუშინდელ რელიზში უწყება აღნიშნავდა, რომ სერგეი შოიგუს განცხადება, თითქოს რუსეთი განზრახ ანელებს „სპეცოპერაციის“ ტემპს, რათა სამოქალაქო მსხვერპლი შეამციროს, განზრახული დეზინფორმაციაა, რადგან სინამდვილეში, რუსეთის შეტევები მისი არმიის ცუდი მოქმედებისა და უკრაინელთა მტკიცე წინააღმდეგობის გამო შენელდა.
მთავარ ფოტოზე: უკრაინის საბრძოლო მოქმედებების რუკა 26 აგვისტოს მდგომარეობით/დიდი ბრიტანეთის დაზვერვა
