ახალ ბულვარში, დაახლოებით 400 მეტრ სიგრძეზე, სასეირნო ბილიკი სანაპიროს გასწვრივ გადაღობილია. უსაფრთხოების მიზნით ბილიკის ამ ნაწილზე გავლა არარეკომენდებულია, თუმცა ხის კიბეებით თუ კუსტარულად, აქ არაერთი ზღვაზე ჩასასვლელია მოწყობილი.
ახალ ბულვარში სანაპირო ზოლის და სასეირნო ბილიკის ეს ნაწილი [პირსიდან ჟილინის არხის შესართავის ჩათვლით მონაკვეთში] შტორმმა 2022 წლის 5 თებერვალს დაანგრია.
ზღვის სეზონის დაწყებამდე „ბათუმელები“ არაერთხელ შეეცადა გაერკვია, მოწესრიგდებოდა თუ არა დანგრეული სანაპირო ზოლი, თუმცა ის ამ დრომდე მოუწესრიგებელია. დღემდე უცნობია, რა ტიპის სამუშაოებს გეგმავს აქ ბათუმის მერია.
პლაჟზე ჩასასვლელები ახალი ბულვარის დანგრეულ პრომინადთან:
ამავე თემაზე:
ხელოვნური პლაჟის შექმნას ახალ ბულვართან კომპანია 5.6 მილიონად აპირებს