უკრაინის უშიშროების სამსახური აცხადებს, რომ რუსეთის სპეცსამსახურები უკრაინის პარლამენტის დერეფნებსა და დარბაზებში მოსასმენი აპარატურის დაყენებას აპირებდნენ და თავის აგენტს შესაბამისი დავალებაც მისცეს.
უშიშროების სპიკერის, არტემ დიხტიარენკოს თქმით, კონტრდაზვერვამ გამოარკვია, რომ რუსეთის ფეესბეს წარმომადგენელმა, ჯერ კიდევ ომის დაწყებამდე, ყირიმში ყოფნისას გადაიბირა უკრაინის ერთ-ერთი ჩინოვნიკი, რომელიც პარლამენტში ღონისძიებების ორგანიზებაზე მუშაობდა.
„თავისი რუსი კურატორის მითითებით, აგენტს უნდა მოეპოვებინა ინფორმაცია უცხოური დელეგაციების ვიზიტებზე, ოფიციალური და არაოფიციალური საუბრების დეტალები. გარდა ამისა, მას დაავალეს, შეესწავლა ვითარება, რათა სპეციალური მოსასმენი აპარატურა დაეყენებინა უკრაინის პარლამენტის დარბაზებსა და დერეფნებში,“ – ნათქვამია უკრაინის უშიშროების განცხადებაში.
უწყების ცნობით, გამოძიება გრძელდება.
რამდენიმე დღის წინ, კონტრდაზვერვის სამსახურმა დააკავა ფეესბეს აგენტი, რომელიც ზაპოროჟიეში მყოფ რუსეთი ჯარებს ცეცხლის კორექტირებაში ეხმარებოდა, სანაცვლოდ მას ქალაქის ოკუპაციის შემდეგ „ხელმძღვანელ თანამდებობას“ ჰპირდებოდნენ.
რუსეთის დაზვერვა რეზნიკოვისა და ბუდანოვის მოკვლას გეგმავდა – უკრაინის უშიშროება
