მთავარი,სიახლეები

რა სისუსტეები აქვს რუსულ შეიარაღებას – უკრაინის თავდაცვის შიდა ანგარიშის დეტალები

11.08.2022 • 901
რა სისუსტეები აქვს რუსულ შეიარაღებას – უკრაინის თავდაცვის შიდა ანგარიშის დეტალები

რუსული იარაღი „არაეფექტიანი“ და „მოძველებულია“ – ასე აფასებს უკრაინის თავდაცვის სამინისტრო რუსეთის შეიარაღებას შიდა დოკუმენტში, რომლის დეტალებსაც ბრიტანული The Times გაეცნო.

ანგარიშის მიხედვით, უკრაინის შეიარაღებული ძალების მიერ ბრძოლაში მოპოვებული რუსული შეიარაღება არასანდოა და თანამედროვე მოთხოვნებს არ შეესაბამება.

გამოცემას მოჰყავს რამდენიმე მაგალითი, კერძოდ, რა სისუსტეები აქვს რუსულ ტექნიკას უკრაინის თავდაცვის შეფასებით:

თვითმფრინავ Ka-51 „ალიგატორს“, რუსეთის ფედერაცია „მფრინავ ტანკს“ უწოდებს და ამტკიცებს, რომ მისი ჯავშნიანი კაბინა 12,7 მმ კალიბრის ტყვიას უძლებს, თუმცა მისი  ჩამოგდება 7,62 მმ-ის კალიბრის იარაღით შეიძლება.

ფრთოსანი რაკეტა „კალიბრის“ სიზუსტე 33 %-ია. უკრაინაში გამოყენებული რაკეტების 30 % კი სამოქალაქო ობიექტებს მოხვდა. კიდევ ერთი რაკეტის სიზუსტე, რომლის სახელსაც უკრაინის თავდაცვა ანგარიშში არ ასახელებს, 49%-ითაა შეფასებული.

ჯავშანმანქანა Ural-63706-0010 Tornado-U-ს, რომელიც შეიარაღებისა და სამხედრო აპარატურის გადასატანადაა შექმნილი, სერიოზული ჯავშანი უნდა ჰქონდეს, თუმცა „მისი დაზიანება იოლად შეუძლია ცეცხლსასროლ იარაღით“.

BMD-4M, რომელიც ქვეითი ჯარის საბრძოლო მანქანაა, ასევე სუსტადაა დაცული ცეცხლსასროლი იარაღისგან, ნაღმების ნამსხვრევებისა და ჭურვებისგან. უკრაინის არმიამ ბრძოლაში 10 ასეთი მანქანა მოიპოვა.

რუსეთის მთავარი საბრძოლო ტანკი Т-72Б3, ასევე BTR-82A ჯავშანტრანსპორტიორი და სხვა სამხედრო ჯავშანტექნიკა დაუცველი აღმოჩნდა დასავლური ტანკსაწინააღმდეგო იარაღის პირისპირ.

უპილოტო საფრენი აპარატი „ორლან-10“, ანგარიშის თანახმად, ძირითადად შედგება უცხოური ნაწილებისგან, რომლებიც „მალე ცვდება“, რის გამოც დრონი იოლად გამოდის წყობიდან. კიდევ ერთ უპილოტო საფრენს აპარატს „ელერონ 3СВ-ს“, უკრაინის თავდაცვის შეფასებით, აქვს Olympus-ის კამერაა, რომელიც საკმაოდ ჩამორჩება ანალოგიური აპარატის Sony-ს კამერებს.

საზენიტო-სარაკეტო კომპლექსი Pantsir-S1, დოკუმენტის თანახმად, ვერ უმკლავდება ერთდროულად რამდენიმე დრონის შეტევას და დაუცველია ჰაერიდან თავდასხმის შემთხვევაში.

გადაბეჭდვის წესი


ასევე: