მთავარი,მთიანი აჭარა,სიახლეები

აქციის მონაწილე: „სამინისტრომ მესაკუთრეს მიწა უკანონოდ გაუყიდა“

17.04.2016 • 2102
აქციის მონაწილე: „სამინისტრომ მესაკუთრეს მიწა უკანონოდ გაუყიდა“

ამ წუთებში ქედის მუნიციპალიტეტში, დაბა მახუნცეთში, ჩანჩქერის მიმდებარე ტერიტორიაზე ადგილობრივი მოსახლეობა აქციას მართავს.

აქცია მახუნცეთში

აქცია მახუნცეთში

აქ შეკრებილები ჩანჩქერის მიმდებარედ სასტუმროს მშენებლობის შეჩერებას და ამ მიწის ზურაბ ხაბაძისთვის გადაცემას მოითხოვენ. მოსახლეობის თქმით, ტერიტორია, რომელიც გასულ წელს აჭარის ფინანსთა და ეკონომიკის სამინისტრომ აუქციონის წესით გაყიდა და სადაც ამ დროინდელი მფლობელი, უკრაინელი ინვესტორი სასტუმროს აშენებს, კერძო საკუთრებაა. მოსახლეობა აცხადებს, რომ ეკონომიკის სამინისტრომ მიწის ნაკვეთი მესაკუთრეს უკანონოდ გაუყიდა.

„ტერიტორია, სადაც სასტუმროს აშენებენ, ზურაბ ხაბაძის საკუთრებაა. ერთი წელია ვითხოვთ მიწა კანონიერ მფლობელს დაუბრუნდეს და სასტუმრო არ აშენდეს, ოთხი საათია აქ ვართ შეკრებილები და ჩვენთან არავინ მოსულა,“ – ამბობს „ბათუმელებთან“ აქციის მონაწილე თეა დიასამიძე.

აჭარის ფინანსთა და ეკონომიკის სამინისტროში განმარტავენ, რომ აღნიშნული მიწის ფართობი აჭარის ავტონომიური რესპუბლიკის საკუთრება იყო და მისი განკარგვის უფლება ფინანსთა და ეკონომიკის სამინისტროს ჰქონდა.

მახუნცეთის ჩანჩქერის მიმდებარე ტერიტორიაზე არსებული 847,80 კვ/მ შენობა-ნაგებობა და მასზე მიმაგრებული 1045 კვ/მ არასასოფლო-სამეურნეო დანიშნულების მიწის ნაკვეთი, 20 450 დოლარად, პირობებიან აუქციონზე, აჭარის ფინანსთა და ეკონომიკის სამინისტრომ გასულ წელს გაყიდა.

13002324_1000866686675704_8018298912239494722_o

მახუნცეთი

მახუნცეთი. ტერიტორია სადაც სასტუმრო უნდა აშენდეს / ეკა ბარამიძის ფოტო

მახუნცეთი. ტერიტორია, სადაც სასტუმრო უნდა აშენდეს / ეკა ბარამიძის ფოტო

გადაბეჭდვის წესი


ასევე: