დონეცკის ოლქში, ბახმუტის რაიონში, ქალაქ ჩასივ იარში, უკრაინელი მაშველები აგრძელებენ მუშაობას ხუთსართულიანი სახლების ნანგრევებში.
უკრაინის სამაშველო სამსახურის ინფორმაციით, 11 ივლისის 11:00 საათის მდგომარეობით, დაღუპულთა რაოდენობა 20-მდე გაიზარდა, მაშველებმა ნანგრევებიდან 8 ადამიანის გადარჩენა შეძლეს.
ქალაქ ჩასივ იარში ორ კორპუსს რუსეთის საოკუპაციო ძალების მიერ გასროლილი რაკეტები 9 ივლისს, ღამით მოხვდა.
უკვე მეორე დღეა ადგილზე მაშველები შეუჩერებლად მუშაობენ. უკრაინის საგანგებო სიტუაციების სახელმწიფო სამსახურის დონეცკის მთავარი განყოფილება ფეისბუქზე პერიოდულად აახლებს ინფორმაციას ნანგრევებიდან გამოყვანილი ცოცხალი ადამიანებისა და დაღუპულების შესახებ.
__________________
ფოტოზე: სამაშველო სამუშაოები ქალაქ ჩასივ იარში, დანგრეული კორპუსების ადგილზე
