ნეტგაზეთი • RU

არესტოვიჩი: დავარტყამთ ყირიმის ხიდს – შესაფერის დროსა და მომენტში

თუ ამის საჭიროება გაჩნდება, უკრაინის შეიარაღებული ძალები ყირიმის პოსტს დაარტყამს. თუმცა ამისთვის აუცილებელია შევარჩიოთ მომენტი, როდესაც ობიექტის განადგურება რუსეთს მაქსიმალურ ზიანს მიაყენებს – ეს განცხადება უკრაინის პრეზიდენტის ოფისის უფროსმა მრჩეველმა, ოლექსეი არესტოვიჩმა „ფეიგინ ლაივის“ ეთერში გააკეთა.

არესტოვიჩმა აღნიშნა, რომ ყირიმის ხიდზე ასეთი თავდასხმა მართლაც არის შესაძლებელი. თუმცა უკრაინის ჯარის კონკრეტულ გეგმაზე საუბარი ჯერ კიდევ რთულია.

„სენტიმენტები არავის გვაქვს. საჭირო იქნება – ყირიმის ხიდს დავარტყამთ, სწორ მომენტში, შესაფერის დროს“, – თქვა ზელენსკის ოფისის მრჩეველმა.

მან დასძინა, რომ შეიარაღებულ ძალებს, სავარაუდოდ, ჯერ არ აქვთ იარაღი, რომლითაც გადასასვლელზე იერიშის მიტანა ტექნიკურად იქნებოდა შესაძლებელი. „მაგრამ დადგება მომენტი და… შემდეგ ვნახოთ. ამ ომში უკვე დიდი ხანია არავითარი შეზღუდვა აღარ არსებობს”, – შეაჯამა არესტოვიჩმა.

  • რატომ განიხილავენ ყირიმის ხიდზე თავდასხმას

გუშინ, პირველ ივლისს, ხიდის ზემო პერიმეტრზე კვამლის უზარმაზარი ღრუბლები გამოჩნდა. კრემლის პროპაგანდისტულმა მედიამ ინციდენტის მიზეზები ვერ დაადგინა. შესაბამისად, ერთდროულად რამდენიმე მიზეზი დასახელდა, მათ შორის, ითქვა რუსული არმიის წვრთნებზეც.

ნეტგაზეთის მასალების სხვა გამოცემებში გადაბეჭდვის წესი
ავტორი
გაზეთი "ბათუმელები" გამოდის 2001 წლიდან.