უკრაინის შეიარაღებული ძალების მთავარსარდალი ვალერი ზალუჟნი ფეისბუქზე წერს, რომ პოლონური ჰაუბიცები ბრძოლის წინა ხაზზე უკვე წარმატებით მუშაობენ.
„პოლონური „კრაბები“ [AHS Krab] წარმატებით მუშაობენ ფრონტის წინა ხაზზე.
ეს თანამედროვე, თვითმავალი ჰაუბიცაა, რომელიც მცოცავ შასიზეა. მაქსიმალური სიჩქარე წუთში 6 გასროლაა. ამ ჰაუბიცებს შეუძლიათ მისწვდნენ მიზანს 40 კილომეტრის მანძილზე“ – წერს ზალუჟნი ფეისბუქზე და აქვე მადლობას უხდის პოლონეთის მთავრობას გაწეული დახმარებისთვის.
ჯერ კიდევ ივნისის დასაწყისში უკრაინული მედია, პოლონურ გამოცემა Dziennik-ზე დაყრდნობით წერდა, რომ უკრაინა პოლონეთისგან შეიძენდა 60-მდე თვითმავალ ჰაუბიცა AHS Krab-ს, იმ 18-ის გარდა, რომელიც პოლონეთმა უკვე გადასცა უკრაინას.
მედიის ცნობით, 155-მილიმეტრიანი პოლონური თვითმავალი „ჰაუბიცა“ დაახლოებით 48 ტონას იწონის და შეუძლია 40 კილომეტრის მანძილზე დაარწყას სამიზნეს წუთში 6 რაკეტის გასროლით.