ნეტგაზეთი • RU

წყალდიდობა თურქეთში – კასტამონუს პროვინციაში მდინარე გადმოვიდა კალაპოტიდან

დღეს, 27 ივნისს, ჩრდილოეთ თურქეთის რამდენიმე პროვინციაში ძლიერი წყალდიდობაა. თურქული მედიის ცნობით, დაიტბორა კასტამონუს, ბარტინის, სინოპის, ზონგულდაკისა და ბარტინის პროვინციები.

თურქული გამოცემა „დეილი საბაჰის“ ინფორმაციით, ყველაზე ძლიერი წყალდიდობა კასტამონუს პროვინციაშია, სადაც მდინარე გადმოვიდა ნაპირებიდან, დატბორა გასწვრივ მდებარე საცხოვრებელი ადგილები, დააზიანა პარკები და ბაზარი, ჩამოინგრა ხიდი.

ძლიერი წვიმის შედეგად პერიოდულად ითიშება ელექტროენერგია. წყალდიდობამ ასევე გამოიწვია გზის ჩაკეტვა.

მსხვერპლის შესახებ ინფორმაცია არ ვრცელდება.

_______________

ფოტო: სააგენტო „ანადოლუ“

ნეტგაზეთის მასალების სხვა გამოცემებში გადაბეჭდვის წესი
ავტორი
გაზეთი "ბათუმელები" გამოდის 2001 წლიდან.