ამერიკული სპორტული ტანსაცმლის მწარმოებელი კომპანია Nike სრულად ტოვებს რუსეთის ბაზარს. ამის შესახებ კომპანიამ დღეს, 23 ივნისს, განაცხადა.
„ნაიკმა“ ჯერ კიდევ მარტში შეაჩერა მაღაზიების მუშაობა რუსეთში, უკრაინაში მოსკოვის ქმედებების საპასუხოდ, ახლა კი კომპანია სრულად გადის რუსეთიდან.
„NIKE-მა მიიღო გადაწყვეტილება რუსეთის ბაზრიდან გასვლის შესახებ. ჩვენ ეტაპობრივად შევწყვეტთ ჩვენს საქმიანობას უახლოეს თვეებში“, – ნათქვამია კომპანიის განცხადებაში.
რუსეთის უკრაინაზე თავდასხმის გამო რუსეთის ბაზარი სრულად დატოვა ისეთმა მსხვილმა კომპანიებმა, როგორიცაა: „მაკდონალდსი“, „გუგლი“, „იკეა“ და ა.შ., ხოლო ასობით უცხოურმა კომპანიამ მუშაობა შეაჩერა.
____________
ფოტო: qz.com