მთავარი,სიახლეები

ნინო ბაციაშვილი მეოთხედ გახდა საქართველოს ჩემპიონი ჭადრაკში

15.06.2022 • 1492
ნინო ბაციაშვილი მეოთხედ გახდა საქართველოს ჩემპიონი ჭადრაკში

ბათუმელი მოჭადრაკე ნინო ბაციაშვილი მეოთხედ გახდა საქართველოს ჩემპიონი ჭადრაკში, ქალთა შორის.

„ბათუმელმა დიდოსტატმა სასტარტო მარცხის შემდეგ ზედიზედ 8 პარტია მოიგო და მეოთხედ მოიპოვა ქვეყნის ჩემპიონის ტიტული. აღსანიშნავია, რომ ნინო 2015, 2018 და 2020 წლებში უკვე ფლობდა ქვეყნის პირველი მოჭადრაკის წოდებას,“ – იუწყება საქართველოს ჭადრაკის ფედერაცია.

ფედერაციის ცნობით, გამარჯვებულს მხოლოდ ნახევარი ქულით ჩამორჩა კიდევ ერთი ბათუმელი მოჭადრაკე, სალომე მელია.

„სალომე ერთადერთი მონაწილეა, რომელმაც მარცხის გარეშე განვლო ტურნირი და ჩემპიონს ერთადერთი ქულა დააკარგვინა,“ – წერს საქართველოს ჭადრაკის ფედერაცია.

მესამე ადგილზე საკმაოდ მაღალი შედეგით – 9-დან 7 ქულა, საქართველოს ოთხგზის ჩემპიონი, ლელა ჯავახიშვილი გავიდა.

ნინო ბაციაშვილი 2018 წლიდან საერთაშორისო დიდოსტატია მამაკაცთა შორის. იგი მეხუთე ქალია საქართველოში, რომელმაც ეს წოდება მიიღო და 36-ე ქალი მსოფლიოში, რომელსაც გროსმაისტერის წოდება აქვს. საქართველოში გროსმაისტერის წოდება აქვს ნონა გაფრინდაშვილს, მაია ჩიბურდანიძეს, ნანა ძაგნიძესა და ბელა ხოტენაშვილს.

გადაბეჭდვის წესი


ასევე: