ნეტგაზეთი • RU

14 ნარკორეალიზატორი დავაკავეთ, მათ შორის, აჭარაში – შსს

14 ნარკორეალიზატორი დააკავეს შინაგან საქმეთა სამინისტროს თანამშრომლებმა თბილისში, ქვემო ქართლში, შიდა ქართლში, აჭარაში, იმერეთსა და სამეგრელოში.

დაკავებულებს ნარკოტიკული საშუალებების უკანონო შეძენას, შენახვას და გასაღებას ედავებიან. ბრალის დადასტურების შემთხვევაში მათ 20 წლამდე ან უვადოდ თავისუფლების აღკვეთა ელით.

„მოსამართლის განჩინების საფუძველზე ჩატარებული ფარული საგამოძიებო მოქმედებების შედეგად დადგინდა, რომ ბრალდებულები ნარკოტიკულ საშუალებებს სისტემატურად ჰყიდდნენ. პოლიციამ ნარკოტიკების უკანონო გასაღებისთვის დაკავებული პირებისგან, მოსამართლის განჩინების საფუძველზე, რამდენჯერმე განახორციელა სხვადასხვა სახის ნარკოტიკული საშუალების საკონტროლო შესყიდვა და აღნიშნული შესყიდვების ფარული აუდიო-ვიდეოჩაწერა.
სამართალდამცველებმა დაკავებულების მიერ უკანონოდ გაყიდული დიდი და განსაკუთრებით დიდი ოდენობით ნარკოტიკული საშუალებები – „ჰეროინი“, „ჰეროინის“ შემცველი ფხვნილი, „ალფა პვპ“ და „ბუპრენორფინი“ ნივთმტკიცებად ამოიღეს,“ – აღნიშნულია შსს-ს მიერ გავრცელებულ ინფორმაციაში.
ნეტგაზეთის მასალების სხვა გამოცემებში გადაბეჭდვის წესი
ავტორი