ოკუპირებული მარიუპოლის დრამატულ თეატრში ახალი სეზონის დაწყებას ქალაქის ადმინისტრაცია სექტემბერში აპირებს.
ამის შესახებ მარიუპოლის მერის მრჩეველმა, პიოტრ ანდრიუშენკომ ტელეგრამ არხზე დაწერა. მან ასევე გამოაქვეყნა საოკუპაციო ადმინისტრაციის ოფიციალურ შეტყობინება, რომლის მიხედვითაც მარიუპოლის დრამატული თეატრი 10 სექტემბერს გაიხსნება. ახალი სეზონი საცეკვაო და საესტრადო ნომრებითა და თეატრალური წარმოდგენით დაიწყება.
„ცეკვა ძვლებზე, სპექტაკლი სასაფლაოზე. ამ ყველაფერს აწყობენ რუსები კოლაბორაციონისტებთან ერთად. როდესაც ცინიკური რუსეთი კიდევ რაიმეს იტყვის ჰუმანიზმზე, უბრალოდ ეს შეტყობინება გაიხსენეთ“, – წერს პიოტრ ანდრიუშენკო.
მარიუპოლის თეატრი რუსეთის ავიაციამ 16 მარტს დაბომბა. იმ დროს შენობას მოქალაქეები აფარებდნენ თავს, შენობის წინა და უკანა ფასადზე კი ავიაციის პილოტებისთვის დიდი ასოებით ეწერა „ბავშვები“, თუმცა ამ წარწერას რუსული რაკეტები არ შეუჩერებია.
აპრილში ცნობილი გახდა, რომ რუსებმა თეატრის ნანგრევების გაწმენდა დაიწყეს. თავდაპირველად, ვარაუდობდნენ, რომ თეატრის დაბომბვისამ დაახლოებით 300 ადამიანის სიცოცხლე შეიწირა, თუმცა Associated Press-ის ჟურნალისტური გამოძიების თანახმად, რუსეთის თავდასხმას მარიუპოლის თეატრზე ბევრად დიდი მსხვერპლი მოჰყვა – დაიღუპა 600 ადამიანი.
მთავარი ფოტო: მარიუპოლის დაბომბილი თეატრი/ფოტო: პიოტრ ანდრიუშენკოს ტელეგრამი
