ნეტგაზეთი • RU

სარაგბო კლუბი „ბათუმი“ საქართველოს ჩემპიონი გახდა

საქართველო სარაგბო ჩემპიონატის ფინალი „ბათუმის“ გამარჯვებით დასრულდა. სარაგბო კლუბი „ბათუმი“ 2021-2022 წლის ჩემპიონია.

გადამწყვეტ თამაშში „ბათუმმა“ ბოლნისის „ყოჩები“ დაამარცხა ანგარიში 23:14. სარაგბო კლუბი „ბათუმი“ უკვე მეოთხედ გახდა ქვეყნის ჩემპიონი.

სარაგბო კლუბის ისტორია 1990 წლიდან იწყება. მაშინ მას „დელფინები“ ეწოდებოდა. კლუბში გაწევრიანებული იყო 16 წლიდან 20 წლამდე ასაკის 40 ბათუმელი ახალგაზრდა.

გუნდმა 1996 წლამდე ითამაშა საქართველოს ჩემპიონატის I-ლიგა და ეჭირა საპრიზო ადგილები. 1997 წელს გუნდი წარსდგა ახალი სახელით – ,,დათვები“, მან წარმატებული ასპარეზობა დაიწყო უმაღლეს ლიგაში.

პირველად „ბათუმი“ საქართველოს ჩემპიონი 1999-2000 წლებში გახდა.

ნეტგაზეთის მასალების სხვა გამოცემებში გადაბეჭდვის წესი
ავტორი