ნეტგაზეთი • RU

ბათუმიდან ქუთაისისა და ოზურგეთის მიმართულებით მატარებლები დაინიშნა

საქართველოს რკინიგზამ განაახლა საგარეუბნო მატარებლების მიმოსვლა ქუთაისისა და ოზურგეთის მიმართულებით.

რკინიგზის ცნობით, ბათუმიდან ქუთაისისკენ და პირიქით, დღეში ორი რეისი შესრულდება, დილასა და საღამოს. განრიგი ასე გამოიყურება:

  • ქუთაისი – ბათუმი
  • დილას ბათუმიდან მატარებელი გავა 08:30 საათზე. ქუთაისში ჩასვლის დროა 12:50 საათი.
  • საღამოს ბათუმიდან მატარებელი გავა 18:55 წუთზე. ქუთაისში ჩასვლის დროა 23:10 საათი.
  • დილას ქუთაისიდან მატარებელი გამოვა 06:05 საათზე. ბათუმში ჩამოსვლის დროა 10:13 საათი.
  • საღამოს ქუთაისიდან მატარებელი გამოვა 16:30 საათზე. ბათუმში ჩამოსვლის დროა 20:35 საათი.

საქართველოს რკინიგზის ცნობით, ქუთაისი-ბათუმის მიმართულებით საგარეუბნო მატარებლით მგზავრობის ფასი 2 ლარი იქნება. იმ შემთხვევაში, თუ კი მგზავრი შუალედურ სადგურში ავა მატარებელში [მაგალითად, სამტრედიაში ან ლანჩხუთში], მგზავრობის ფასი 1 ლარი იქნება.

რაც შეეხება ბათუმი-ოზურგეთს, ამ მიმართულებაზე მატარებელი დღეში ერთ რეისს შეასრულებს. განრიგი ასეთია:

  • ბათუმი-ოზურგეთი
  • ბათუმიდან მატარებელი გავა საღამოს 20:55 წუთზე, ოზურგეთში ჩასვლის დროა 23:00 საათი.
  • ოზურგეთიდან მატარებელი გამოვა დილის 06:10 საათზე, ბათუმში ჩამოსვლის დროა 08:16 საათი.

ბათუმი-ოზურგეთის მიმართულებით საგარეუბნო მატარებლით მგზავრობის ფასი 80 თეთრი იქნება. ხოლო თუ კი მგზავრი მატარებელში ავა შუალედური სადგურიდან – 50 თეთრი.

ბათუმიდან საგარეუბნო მატარებლების მოძრაობა კორონავირუსის პანდემიის დაწყებისას, 2020 წელს შეჩერდა და მხოლოდ ახლა განახლდა.

ნეტგაზეთის მასალების სხვა გამოცემებში გადაბეჭდვის წესი
ავტორი
ნანა კვაჭაძე, ჟურნალისტი ელფოსტა: kvachadze.n@gmail.com