ბათუმის მუნიციპალურ ავტობუსთან დაკავშირებულ ინციდენტს სამართალდამცავები სწავლობენ. შემთხვევა დღეს, დაახლოებით 12 საათზე, გორგილაძის ქუჩაზე მოხდა – სავარაუდოდ, ავტობუსი მოქალაქეს დაეჯახა, საპატრულო პოლიციის ეკიპაჟმა კი, მუნიციპალურ ავტობუსს [N4] გარკვეული დროით გადაადგილების უფლება არ მისცა.
გორგილაძის ქუჩა / ავტობუსთან დაკავშირებული ინციდენტი / 2.06.2022
„დაჯახებას, როგორც ასეთი, ადგილი არ ჰქონია, სავარაუდოდ, მოქალაქე გადადიოდა გზის სავალ ნაწილზე და მას ფეხი დაუცდა – პირველადი ინფორმაცია რაც გვაქვს ამ დროისთვის, ესაა. გამოიკითხნენ ავტობუსში მყოფი მგზავრებიც, გრძელდება გამოძიება და ყველა დეტალს ის დააზუსტებს“ – უთხრეს „ბათუმელებს“ „ბათუმის ავტოტრანსპორტში“.
„ავტოტრანსპორტის“ ინფორმაციითვე, შემთხვევის შედეგად მოქალაქე არ დაშავებულა და თავს კარგად გრძნობს.
გორგილაძის ქუჩა / ავტობუსთან დაკავშირებული ინციდენტი / 2.06.2022
