ლიეტუველმა არტისტმა, ტომას უპსკასმა, აუქციონზე გასაყიდად გამოიტანა რუსი სამხედროების მინიატურული ფიგურები. კოლექცია, სახელწოდებით „იარაღის ძმები“, მან ფეისბუქის საკუთარ გვერდზე გამოაქვეყნა.
“იარაღის ძმები დასრულებულია! ძალიან კმაყოფილი ვარ. დავიწყებ 2 000 ევროთი, საწყისი ფასით. თითოეული ცენტი უკრაინის დასახმარებლად წავა”, – დაწერა არტისტმა ფეისბუქზე.
მინიატურები ასახავს, თუ რას აკეთებენ რუსი სამხედროები უკრაინელთა სახლებში: ძარცვავენ, სვამენ, ხსნიან რადიატორებსა და უნიტაზებს და იქვე ისაქმებენ.
მაკეტის საწყისი ფასი 2 ათასი ევროა. მინიატურებიდან მიღებული შემოსავლით არტისტი უკრაინის დახმარებას გეგმავს.
მთავარი ფოტო: ტომას უპსკასის ფეისბუქიდან