უკრაინაში ლიკვიდირებული იქნა რუსეთის ფედერაციის თავდაცვის მინისტრის, სერგეი შოიგუს მოადგილის, იუნუს-ბეკ ევკუროვის დის შვილი. ამის შესახებ უკრაინული მედია პორტალ The Magas Times-ზე დაყრდნობით წერს. ევკუროვი მრავალი წლის განმავლობაში იყო კრემლის საიმედო დასაყრდენი ინგუშეთში და ამ კავკასიური რესპუბლიკის ლიდერის პოზიცია უპრეცედენტო საპროტესტო აქციების შედეგად, იძულებით დატოვა.
The Magas Times-ის მიხედვით, მოკლული ადამ ხამხოევი რუსეთის ფედერაციის შეიარაღებული ძალების კაპიტანი იყო. ის უკრაინაში მოკლეს 20-21 მაისის ღამეს. ოფიცერი ერთ-ერთ საჰაერო-სადესანტო ნაწილს მეთაურობდა.
ლიკვიდირებულის ცხედრის გადასვენება დღეს, 22 მაისს იგეგმება ინგუშეთში, სადაც მას დაკრძალავენ.
The Magas Times-ის იუწყება, რომ ადამ ხამხოევი დაამთავრა რიაზანის საჰაერო-სადესანტო ძალების უმაღლესი სამეთაურო სკოლა, რის შემდეგაც მსახურობდა ქალაქ ულიანოვსკში.
გამოცემა Fortanga ირწმუნება, რომ ადამ ხამხოევი რუსეთის ფედერაციის თავდაცვის მინისტრის მოადგილის, იუნუს-ბეკ ევკუროვის დის შვილია. – „ევკუროვი მას დაეხმარა კარიერის გაკეთებაში. ის იყო ღირსეული ბიჭი”.
რუსეთის თავდაცვის სამინისტროს და არც ინგუშეთის ხელისუფლებას ხამხოევის დაღუპვა ოფიციალურად არ დაუდასტურებიათ.
ყოფილი ჯარისკაცი, იუნუს-ბეკ ევკუროვი 2019 წლის 25 იანვრამდე ინგუშეთის რესპუბლიკის ლიდერი იყო და მან თანამდებობა ხალხის პროტესტის ფონზე დატოვა. მის გადადგომას წინ უძღოდა მრავალთვიანი აქციები მეზობელ ჩეჩნეთთან სასაზღვრო შეთანხმების დადების გამო, რომელსაც ინგუშეთში უსამართლოდ მიიჩნევდნენ.
2018 წლის 26 სექტემბერს ჩეჩნეთისა და ინგუშეთის მეთაურებმა, რამზან კადიროვმა და იუნუს-ბეკ ევკუროვმა ხელშეკრულება გააფორმეს, რომლითაც რუსეთის ფედერაციის ორ ჩრდილოკავკასიურ რესპუბლიკას შორის ტერიტორიები იცვლებოდა. ამ შეთანხმებით დგინდებოდა ადმინისტრაციული საზღვარი ორ ჩრდილოკავკასიურ რესპუბლიკას შორის.
___
მთავარი ფოტო: იუნუს-ბეკ ევკუროვი და ადამ ხამხოევი
