დღეს რუსეთისთვის ნებისმიერი დათმობა არის არა მშვიდობის გზა, არამედ რამდენიმე წლით გახანგრძლივებული ომი. ამის შესახებ უკრაინის პრეზიდენტის აპარატის უფროსმა მრჩეველმა, მიხაილო პოდოლიაკმა Twitter-ზე დაწერა.
მან აღნიშნა, რომ უკრაინისთვის პრინციპულად მნიშვნელოვანია თავისი ტერიტორიების გათავისუფლება და იქიდან რუსების განდევნა.
„თუ მოვლენების ადგილიდან ათასი ან მეტი კილომეტრით ხარ დაშორებული, გეჩვენება, რომ გლობალურად ყველაფერი გესმის, განსაკუთრებით რუსეთის შესახებ. განსაკუთრებით იმაზე, რომ ამ ქვეყანასთან საჭიროა მცირე დათმობაზე წასვლა სამშვიდობო შეთანხმების ხელმოსაწერად. ასე რომ, რუსეთის ფედერაციასთან ნებისმიერი დათმობა – აბსოლუტური სიზუსტით ეს არის უფრო მძლავრი ომი გაცილებით მოკლე დროში. ანუ გახანგრძლივებული ომი. გვინდა კიდევ უფრო დიდი ომი, გვინდა კიდევ უფრო სისხლიანი ომი, გვინდა, რაც შეიძლება მეტი ადამიანი ჩავრთოთ მასში, მაშინ წავიდეთ რუსეთთან დათმობაზე. უკრაინას ყველაფერი სხვაგვარად ესმის“, – განაცხადა პოდოლიაკმა ვიდეომიმართვაში.
პოდოლიაკმა აღნიშნა, რომ უკრაინისთვის პრინციპულად მნიშვნელოვანია საკუთარი ტერიტორიების გათავისუფლება და რუსების გაყრა იქ, სადაც ისინი იმყოფებიან თავისი განვითარებით – შუა საუკუნეებში.
„ამიტომ, უკრაინის სტრატეგია აბსოლუტურად ნათელია და ჩვენ არ უნდა შემოგვთავაზოთ შეუსრულებელი გეგმები, რუსეთის ფედერაციისთვის საკუთარი სახის შესანარჩუნებლად. არა, უკრაინა საკუთარ ბედს თავად გადაწყვეტს“, – დასძინა პოდოლიაკმა.
New York Times-მა გამოაქვეყნა სტატია, რომელშიც სარედაქციო კოლეგია ვარაუდობს, რომ უკრაინას ომის შესაჩერებლად დიდი ალბათობით ტერიტორიებს დათმობა მოუწევს.
სტატიაში ნათქვამია, რომ „თუ კონფლიქტი რეალურ მოლაპარაკებამდე მივა, უკრაინის ლიდერებს მოუწევთ მტკივნეული ტერიტორიული გადაწყვეტილებების მიღება, რასაც ნებისმიერი კომპრომისი მოითხოვს“.
