ნეტგაზეთი • RU

ტრაპიზონთან ავარია მოხდა, არის მსხვერპლი – ადგილზე აჭარის ჯანდაცვის მინისტრი გაემგზავრა

დღეს, 18 მაისს, ავტოსაგზაო შემთხვევა მოხდა თურქეთში, ქალაქ ტრაპიზონთან. თურქული მედიის ცნობით, ავარიაში მოჰყვა მიკროავტობუსი ქართული ნომრით, მძღოლმა საჭეზე კონტროლი დაკარგა, ავტომანქანა კლდეს დაეჯახა და შემდეგ ამოტრიალდა.

წინასწარი ინფორმაციით, შემთხვევის შედეგად დაშავდა ხუთი და გარდაიცვალა ერთი ადამიანი. დაშავებულებისა და დაღუპულის შესახებ ინფორმაციას ავრცელებს აჭარის მთავრობაც.

თურქული მედიის ცნობით, ავტოავარიის შედეგად დაშავებულები საავადმყოფოში არიან გადაყვანილნი.

შემთხვევის ადგილზე აჭარის ჯანდაცვის მინისტრი, ნინო ნიჟარაძე გაემგზავრა.

____________

ფოტო: haberts.com

ნეტგაზეთის მასალების სხვა გამოცემებში გადაბეჭდვის წესი
ავტორი
ნანა კვაჭაძე, ჟურნალისტი ელფოსტა: kvachadze.n@gmail.com